出發去蒙古!!!
今日再過嚟呢個巴士站直接買蒙古邊境嘅飛。
Check out 前，櫃枱嘅人話今朝有位外國人同我路線一樣!!
但佢朝早七點就過咗去買今晚嘅飛😧(因為去巴士站都要一個鐘，而巴士站係有啲鄉下feel)
上次搵錯地方蕩失路，所以今次搭的士算。
下午出發，半個鐘車只係36蚊人仔。
我其實一直都奇怪點解無得早啲買車飛，所以有少少擔心會唔會唔夠人而無車出發。
而今日個巴士站竟然無咩人，上次係人多到無咩人得閒理我😑⋯⋯
｜下午三點嘅對話｜
👩🏻-售票員 🌿-我
🌿請問今日多人搭嗎？
👩🏻無咩人搭，多數係蒙古人
🌿唔會冇人搭吧😨
👩🏻(笑一笑)唔會，你係第二個
唔通第一個就係好早出發去車站買飛嗰位外國人🧐?
**後記：其實我曾經諗過好冇搭內陸機 (放棄巴士) 再過邊境...
因為我唔太想再面對我人生遇過最恐怖廁所之一（大陸巴士停泊站嘅廁所係我惡夢）
唯有飲少啲水😢就唔使廁所