top of page

【獨菇遊】Day 11 蒙古戈壁沙漠 tour 開始|蒙古🇲🇳


在沙漠中,沙塵暴老是常出現

蒙古戈壁沙漠 tour 開始~~!

花咗啲時間至搵到間平啲嘅 tour 😢因為價格不一,而且視乎人數去計算,愈多人就愈平。

全程就坐吉普車遊覽,中途亦會在野外露營。由於我只有十四日免簽時間喺蒙古,最後我揀咗7日6夜,只玩南部地方(最長 tour 可以玩足二十幾日!)。


出發後,由於沙漠上訊號覆蓋範圍唔廣,亦開始斷 network 同埋無得沖涼嘅日子💦


司機身兼維修技工,喺車底維修中

估唔到第一日就經歷壞車🤓 所以行程係有少少停滯。

夜晚導遊幫我哋搵咗個未接待過遊客嘅遊牧民族屋企過夜。

食完飯個刻,就遇上迎面而來嘅塵暴!


由於仲未吹到嚟,所以大家都望住個塵暴,收好碗碟就好施施然入返屋度瞓覺。

屋主有三個女,媽媽 absent (唔記得係過咗身定喺城市),所以無人煮飯。每次導遊煮飯,佢都會企隔離好奇點煮,而且仲係個易怕羞嘅人🙈

臨走前至發現佢人好高,高過我哋位荷蘭團友,應該有一米八以上呢(因為一直喺個蒙古包(ger)入面坐,都無留意高度)

易怕羞+高+揸電單車牧羊 >>>>係有啲被萌倒了😳 如果架電單車喺香港,我會覺得浮誇,但喺大漠之中,成件事係型嘅🙈


***由於喺真正嘅遊牧民族屋企度過夜,所以我哋要用睡袋喺地下瞓,導遊話夜晚瞓覺時有隻老鼠經過😨 (!!!!)


0 則留言

Comments


bottom of page