由年頭講到年中嘅出走...
🐻: 你幾時出發？
🐼: 你唔係話出走㗎咩？
🦁: 不如你去一個星期算啦👉🏻👈🏻
🐸: 我覺得你呢個月都唔會走到💁🏻♀️
🦊: 你係咪未咁快走住？有嘢想搵你幫手啊。
......
🍄: 我...準備好就走💦
為咗避免講到年尾，於是我閉關咗預備，預備可能需要嘅物件。
然後時機到，就喺開車嘅25分鐘前，我買咗張火車飛，向我嘅第一站——北京出發🚂
當時嘅自己都唔知會去幾耐，同朋友講都係話去一個月以上。
唔想 set 一個期限畀自己，就隨興吧：）
就喺出發嘅前一日睇到單新聞，再覺得自己可以周圍走係一件難能可貴嘅事......亦離開吓呢個日日都變嘅地方一陣。
**註：當時香港高鐵仍未出現，所以我坐嘅係直通火車，由紅磡出發去北京，車程 24 小時。