top of page

【獨菇遊】Day 6 要巧遇才見到面嘅紐西蘭 lady|北京🇨🇳

同房嘅紐西蘭婆婆 K 算係我呢次旅程第一位認識嘅人。

佢原本同兩位朋友旅遊,大家因為見中國 visa 就嚟過期,於是嚟多次。後尾佢兩位朋友要先離開,單丁嘅佢繼續旅程同準備換房,過幾日出發去大同。


換房前同佢傾咗好幾句計,知我有意去蒙古同俄羅斯,佢以前都試過咁去 (不過由挪威出發,相反方向),就提議約我食晚餐。


K 約我 6pm 喺 reception 等,我問使唔使交換 contact (方便有咩事可聯絡大家),佢話唔使。好吧,原本都自己食,萬一見唔到都無損失。


結果 6pm 佢真係到咗,可惜佢胃一直 keep 住唔舒服,所以無食到,但就花咗一小時陪我搵去蒙古嘅方法。佢當時覺得我搭巴士 (仲要得即日買)呢個方法唔太安全,但我又唔打算搭火車,所以想 make sure 呢個路線係 work 嘅。雖然最後咩都搵唔到(可能唔多旅人會搭巴士直接去蒙古,呢個方法似乎多蒙古人咁搭),但都好感謝佢幫我搵。後來我話應該趁佢搵時幫佢畫像 portrait,佢就約我第二日再食,呢次一定到。


可惜第二晚我等咗45分鐘都唔見佢.....但又無佢 contact,又唔知佢邊間房,於是就咁走咗。後尾又覺得 K 唔似唔守信用嘅人,加上下午巧遇佢已經唔舒服 (但仍話會應約),就儲勇氣問職員 K 住邊間房,始於得佢自己一個,擔心佢有事。期間職員對我提供嘅資料係充滿疑問,好似覺得我資料係假咁,但只認識兩日,我知嘅資料唔一定同個人資料相同。


終於搵到佢間房,原來佢唔舒服,一整日都喺床,瞓晏咗,所以無出現。然後話第二日應該會好啲,不過今次無特別再約食飯,隨緣啦下次🙂見到佢無大礙都安心啲。


第三日我坐喺庭園準備去搵單車舖時,我哋又巧遇上。

於是我提議畫佢,終於相處咗個中午


聽佢講唔同國家嘅經歷,做過唔同工作,又有留意過香港曾發生嘅事,提起中國奧運前後嘅不同,好多瑣碎嘅事。


0 則留言

Comments


bottom of page